ابوذيات

كم مره يزعل مني واراضي
ويدلّل على قليبي واراضي
مابقت عندي املاك واراضي
بعت حتى هدومي ال عـليـّه




مامن عارفه ياناس ينسال

دمع العين كبل البجي ينسال

شفنه البي مرض يناس ينسال

وانا مسلول مامن مرض بيه..... سوده على من فاركاني




احبابي شلون حالتكم بعدنا

شبدينا والوكت عنكم بعدنا

اذا انتم نسيتونا بعدنا

بذجركم كل صباح وكل مسية




يدنيا حيل مطري بربعيني

واشوف الناس هيمة بربعيني

كلت ارتاح ساعة بربعيني

صباي وشيبي شو كلهن اذيه




القلب مارف على غيرك ولامال
خلص عمري من كثر وعودك والامال
ابد لاولف عندي يأنسني ولا مال
الونس انته حبيبي وهاي هيه




أحبك من صغر عودي وسني

ومن حبك وكع شعري وسني

على حالي بجى شيعي وسني

وثالثهم مسيحي يون علية





تركت الموصل بعد ولاعود
ولادمبك بعد يسليني ولاعود
مابقى بيا غصن اخضر ولاعود
لان الأرهاب اخذ كلشي من يديه



(سلطان الغرام).